تجربتي مع الوجه المرح بقلم مجربة

عاده لما كنت اركب السياره دائما احس ان وجهي معصب وشكلي فيه عبوس وافكر بالاشياء والمواقف الي موزينه ولما اشاهد نفسي في المرآة اشاهد العصبيه بشكلي وكنت دائما اتحجج بان هالشي اندماج بالسواقه مو اكثر   وكل يوم اقول بصير وبوصل للاحسن وازيل هالعبوس من وجهي والافكار الي تشوش علي بس ماكو شي يديد بالسالفه …
ولما حضرت محاضره د. نجيب حسيت انها ماده معلومات عاديه بس فيها حجي وماعلي الطالب الا الحفظ وتكلم الدكتور عن المقرر بشكل عام وقدم لنا اشياء وايد حلوه بس الي حسيت انها يازتلي وحسيت انها يايه من السما تجربه (الوجه المرح )
الي نعلقه في مرآة السياره وضعتها في بالي   وقلت مااعتقد راح تنفع اوتفيدني بشي ومرت ايام ورديت افكر بكلام الدكتور   ورسمت الشكل وزينته وعلقته بمراة السياره واول الايام مالاحظت شلون كان ويهي بس مع الايام لقيت العبوس قام ينشال من ويهي وهالشي موبس لاحظته انا حتي اهلي ورفيجاتي لاحظوه علي …فبارك الله بدكتورنا ويعطيه العافيه