مهارات للإستشارات والتدريب نتعلم .. نتغير .. نتقدم
اولا انا noorq عمري 17 سنه وهاذي اخر سنه لي في المدرسه ومن بعدها بروووح الجامعه على طوووول .انا ماكنت من الناس اللي يخططون او يهتمون بالمستقبل بس بالظبط انا ما اذكر شصار وخلاني اكون انسانه دقيقه عندها الدقيقه مهمة بس الفضل طبعاً يرجع لله ومن ثم
كتاب كيف تخطط لحياتك للكتور صلاح الراشد
لكن الكتاب اللي له تأثير قووووي جداً هو مهارات دراسيه انا في اشياء طبقتها مثل سهل واضح والاستراخاء الدراسه اول بأول وماتتوقعون شنو الفائدة العجيبه اللي لقيتها والحمدالله اني حصلت على نسبة 95% بس طبعاً باقي لي الفصل الثاني اللي هو اصعب واصعب لكن انا برمجت نفسي اني انا خذت 100% لاني جد انا اطمح اني اكون الاولى واسعى اني ارضي طموحي. دكتور نجيب الرفاعي انا اشكرك لكن انا ودي استفيد اكثر واكثر هاذي قصتي العجيبه اللي خذت 6 شهور وانا اشوف نصائح الدكتور فادتني وايد
عموماً انا وحدة وايد اهتم للمواضيع اللي تتعلق بالنجاح والحمدالله اناقاعدة اطبق الاشياء المطلوبه من كل شخص ناجح وحابه اني استفيد اكثر واكثر وافيد غيري بالمعلومات اللي عندي
وحابه اعرف المحاضرات الجديدة اللي للدكتور نجيب الرفاعي واقترح للدكتور الفاضل انه يشرفنا في قطر لان كل اللي يعرفونه معجبين بتفكيرة واساليبه الناجحه التربويه وشكراً
تعليق الدكتور نجيب الرفاعي: وفقك الله ووفق كل انسان مثلك يبحث عن النجاح الذي هو امام كل انسان .
